ଏକ ଜରୁରୀକାଳୀନ ପାଣ୍ଠି ଗଠନ ପାଇଁ 6 ଟି ପଦକ୍ଷେପ: ଆର୍ଥିକ ସୁରକ୍ଷା ପାଇଁ 6 ପର୍ଯ୍ୟାୟ ନିର୍ଦ୍ଦେଶାବଳୀ | 6 Steps to Build an Emergency Fund: Step-by-Step Guide to Financial Security

 ଏକ ଜରୁରୀକାଳୀନ ପାଣ୍ଠି ଗଠନ ଆର୍ଥିକ ନିରାପତ୍ତା ହାସଲ ଦିଗରେ ଆପଣଙ୍କର ପ୍ରଥମ ପଦକ୍ଷେପ ହେବା ଉଚିତ | ପ୍ରଥମତଃ, ଏହା ଆପଣଙ୍କର ଆର୍ଥିକ ଲକ୍ଷ୍ୟକୁ ଦିଗହରା ନକରି ଅପ୍ରତ୍ୟାଶିତ ଖର୍ଚ୍ଚ ଯେପରିକି ଡାକ୍ତରୀ ଜରୁରୀକାଳୀନ ପରିସ୍ଥିତି, କାର ମରାମତି, କିମ୍ବା ଚାକିରି ହରାଇବା ସମୟରେ ଆପଣଙ୍କୁ ସାହାଯ୍ୟ କରିଥାଏ |  ଦ୍ଵିତୀୟରେ, ଏହା କଠିନ ସମୟରେ ମାନସିକ ବିଷାଦ ଓ ଚିନ୍ତାରୁ ଦୁରେଇ ରଖି ଆପଣଙ୍କୁ ଏକ ବିଶ୍ୱସ୍ତ ବନ୍ଧୁ ଭାବରେ ଆପଣଙ୍କୁ ଧର୍ଯ୍ୟ ରଖିବାରେ ସାହାଯ୍ୟ କରିଥାଏ | ଆପଣ ମାନଙ୍କ ମଧ୍ୟରୁ ଯେଉଁମାନେ କଠିନ ପରିସ୍ଥିତିରେ ପଡ଼ିଥିବେ ସେମାନେ ନିଶ୍ଚେ ଅନୁଭବ କରିଥିବେ "ସମ୍ପଦ ବେଳେ ସବୁ ସଖା, ବିପଦେ ନ ଦିଅନ୍ତି ଦେଖା" | ତେଣୁ, ଆମ ସମସ୍ତଙ୍କର ଲୁକାୟିତ ବିଶ୍ଵସ୍ଥ ବନ୍ଧୁ ହେଲା ନିଜର ଜରୁରୀ କାଳୀନ ପାଣ୍ଠି ଏବଂ ଏହାକୁ ଅନ୍ୟ କାହାକୁ ବା କୌଣସି ପରିସ୍ଥିତିରେ ମଧ୍ୟ ହାତ ଲଗାଇବା ଉଚିତ ନୁହେଁ |

 

ଏବେ ଆସନ୍ତୁ ଏହି ଗାଇଡ୍ ରେ ଜାଣିବା ଏକ ଜରୁରୀକାଳୀନ ପାଣ୍ଠି ନିର୍ମାଣ ନିମନ୍ତେ ଆବଶ୍ୟକ ୬ଟି ସ୍ୱଚ୍ଛ ଓ  କାର୍ଯ୍ୟକ୍ଷମ ପଦକ୍ଷେପ |

STEP - 1: ଏକ ସଞ୍ଚୟ ପରିମାଣ ଲକ୍ଷ୍ୟ ସ୍ଥିର କରନ୍ତୁ |

ଜରୁରୀକାଳୀନ ପାଣ୍ଠି ନିର୍ମାଣର ପ୍ରଥମ ପଦକ୍ଷେପ ହେଉଛି ଏକ ନିର୍ଦ୍ଦିଷ୍ଟ ସଞ୍ଚୟ ଲକ୍ଷ୍ୟ ପରିମାଣ ସ୍ଥିର କରିବା | ସାଧାରଣତଃ ଆର୍ଥିକ ବିଶେଷଜ୍ଞମାନେ ଅତି କମରେ 3 ରୁ 6 ମାସର ମୋଟ ଖର୍ଚ୍ଚ ସଞ୍ଚୟ କରିବାକୁ ପରାମର୍ଶ ଦିଅନ୍ତି | ଚାକିରି ହରାଇବା କିମ୍ବା ସ୍ୱାସ୍ଥ୍ୟ ସମସ୍ୟା ଭଳି ଅପ୍ରତ୍ୟାଶିତ ପରିସ୍ଥିତିରେ ଘରଭଡା, ଖାଦ୍ୟ, ରସନ ସାମଗ୍ରୀ, ଏବଂ ପରିବହନ ଭଳି ଅତ୍ୟାବଶ୍ୟକ ଖର୍ଚ୍ଚ ବହନ କରିବାକୁ ଏହା ଆପଣଙ୍କୁ ପର୍ଯ୍ୟାପ୍ତ ବଫର୍ ଦେଇଥାଏ  |

ସଂଚୟ ଲକ୍ଷ୍ୟ କିପରି ସେଟ୍ କରିବେ:

a ) ମାସିକ ଖର୍ଚ୍ଚ ତାଲିକା: ଜୀବନ ଧାରଣା ନିମନ୍ତେ ତୁମର ନିହାତି ଆବଶ୍ୟକ ମାସିକ ଖର୍ଚ୍ଚ ଗଣନା କର, ଯେପରିକି ଘରଭଡା, ବିଲ୍, ଖାଦ୍ୟ ସାମଗ୍ରୀ, ପରିବହନ ଏବଂ ବୀମା |

b ) ଏକ ସଞ୍ଚୟ ପରିମାଣ ଉପରେ ନିଷ୍ପତ୍ତି ନିଅନ୍ତୁ: ଆପଣଙ୍କର ଲକ୍ଷ୍ୟ ପରିମାଣ ନିର୍ଣ୍ଣୟ କରିବା ପାଇଁ ଆପଣଙ୍କର ମାସିକ ଖର୍ଚ୍ଚକୁ 3 (3 ମାସର ବଫର୍ ପାଇଁ) କିମ୍ବା 6 (6 ମାସର ବଫର୍ ପାଇଁ) ଗୁଣ କରନ୍ତୁ | ଯଦି ଆପଣ ୩ ମାସ ମଧ୍ୟରେ ପରିସ୍ଥିତି ସୁଧୁରି ଯିବାର ଆଶା ରଖନ୍ତି ତାହେଲେ ୩ ମାସର ଖର୍ଚ ପରିମାଣକୁ ଟାର୍ଗେଟ କରନ୍ତୁ କିମ୍ବା ଯଦି ଆପଣ ଅନୁଭବ କରୁଛନ୍ତି ୬ ମାସର ଖର୍ଚ ପରିମାଣ ସର୍ବାଧିକ ଉଚିତ ତାହେଲେ ୬ ମାସର ଖର୍ଚ ପରିମାଣକୁ ଟାର୍ଗେଟ କରିପାରନ୍ତି |

c ) ଅନ୍ୟାନ୍ୟ ଅତ୍ୟାବଶ୍ୟକ ଖର୍ଚ : ଶିଶୁ ଯତ୍ନ, ଡାକ୍ତରୀ ବିଲ୍ କିମ୍ବା loan କିସ୍ତି ପରିମାଣ ମଧ୍ୟ ଏହି ପରିମାଣରେ ଯୋଗ କରି, ସେହି ଅନୁଯାୟୀ ଆପଣଙ୍କର ଲକ୍ଷ୍ୟକୁ ସ୍ଥିର କରନ୍ତୁ |

STEP - 2: ଏକ ଉତ୍ସର୍ଗୀକୃତ ସଞ୍ଚୟ ଖାତା ଖୋଲନ୍ତୁ |

ସଞ୍ଚୟ ଲକ୍ଷ୍ୟ ଉପରେ ସ୍ଥିର କରିସାରିବା ପରେ, ପରବର୍ତୀ ପଦକ୍ଷେପ ହେଲା ଜରୁରୀକାଳୀନ ପାଣ୍ଠି ରଖିବା ପାଇଁ ଏକ ପୃଥକ ଆକାଉଣ୍ଟ ଖୋଲିବା | ଏକ ପୃଥକ ଆକାଉଣ୍ଟରେ ନିର୍ଦ୍ଧିଷ୍ଟ ଲକ୍ଷ୍ୟ ନିମନ୍ତେ ଟଙ୍କା ରହିବା ଦ୍ୱାରା ସାଧାରଣ ପରିସ୍ଥିତିରେ ଏଥିରୁ ଖର୍ଚ କରିବାର ପ୍ରଲୋଭନ ହ୍ରାସ ପାଏ ଏବଂ ଏହା ଆପଣଙ୍କ ଆର୍ଥିକ ଅଗ୍ରଗତି ଉପରେ ନଜର ରଖିବା ସହଜସାଧ୍ୟ କରିଥାଏ |

ଏକ ସଞ୍ଚୟ ଖାତା ଖୋଲିବା ପାଇଁ ଟିପ୍ସ:

a ) ଆଜିକାଲି ଉଭୟ public  ଓ private ବ୍ୟାଙ୍କ ପ୍ରତିଯୋଗିତାମୂଳକ ସୁଧ ହାର ସହିତ ସଂଚୟ ଆକାଉଣ୍ଟ୍ ପ୍ରଦାନ କରନ୍ତି | ଜରୁରୀକାଳୀନ ପାଣ୍ଠିର ଶୀଘ୍ର ବୃଦ୍ଧି ପାଇଁ ଅଧିକ ସୁଧ ହାର ଦେଉଥିବା ବ୍ୟାଙ୍କରେ ହିଁ ସଞ୍ଚୟ ଖାତା ଖୋଲନ୍ତୁ | ଧ୍ୟାନ ରଖିବେ ସେହି ବ୍ୟାଙ୍କ ଏକ ବୈଧ୍ୟ ବ୍ୟାଙ୍କ ହୋଇଥିବା ଆବଶ୍ୟକ, chit fund  ନୁହଁ; ମାନେ, ଏହା ଭାରତୀୟ ରିଜର୍ଭ   ବ୍ୟାଙ୍କ ଦ୍ୱାରା ମାନ୍ୟତା ପ୍ରାପ୍ତ ହୋଇଥିବା ଆବଶ୍ୟକ |

b ) ଏହାକୁ ଦୈନନ୍ଦିନ ଖର୍ଚ୍ଚ ପାଇଁ ବ୍ୟବହାର କରିବା ଠାରୁ ଦୂରେଇ ରୁହନ୍ତୁ:  ନିଶ୍ଚିତ କରନ୍ତୁ ଯେ ଆକାଉଣ୍ଟଟି ଆପଣଙ୍କର ଦୈନନ୍ଦିନ ଖର୍ଚ୍ଚ ନିମନ୍ତେ Phonepe କିମ୍ବା Paytm କିମ୍ବା Googlepay ସହିତ ଲିଙ୍କ୍ ହୋଇନାହିଁ, ଅନ୍ୟଥା ଆପଣ ଏହାକୁ ନିୟମିତ କ୍ରୟ ପାଇଁ ବ୍ୟବହାର କରିବାକୁ ପ୍ରଲୋଭିତ ହେବେ |

c ) ସ୍ୱୟଂଚାଳିତ ସ୍ଥାନାନ୍ତରଣ(automatic  transfer ): ଏହି account ରେ ଟଙ୍କା ଜମା କରିବା ପ୍ରକ୍ରିୟାକୁ ସ୍ୱୟଂଚାଳିତ କରନ୍ତୁ ଅର୍ଥାତ ନିଜକୁ ଏହି ପ୍ରକ୍ରିୟାରେ କମ ହସ୍ତକ୍ଷେପ କରନ୍ତୁ | ଏହି ସଂଚୟ ପ୍ରକ୍ରିୟାକୁ  ଅଧିକ ସ୍ଥିର ଏବଂ ତଥା ନିଜ ଆଳସ୍ୟରୁ ମୁକ୍ତ କରିବା ନିମନ୍ତେ ନିଜର ଚେକିଂ ଆକାଉଣ୍ଟରୁ, ମାନେ salary account ବା ମୁଖ୍ୟ account ରୁ ଜରୁରୀକାଳୀନ ପାଣ୍ଠି ଥିବା ସଂଚୟ ଖାତାକୁ ସ୍ୱୟଂଚାଳିତ ସ୍ଥାନାନ୍ତର ସେଟ୍ ଅପ୍ କରନ୍ତୁ | ଏହା ଆପଣ mobile ବ୍ୟାଙ୍କିଙ୍ଗ କିମ୍ବା ଇଣ୍ଟେର୍ନେଟ ବ୍ୟାଙ୍କିଙ୍ଗ ଅଥବା ବ୍ରାଞ୍ଚକୁ ଯାଇ ମଧ୍ୟ କରି ପାରିବେ |

STEP - 3: ଛୋଟ ପରିମାଣ ନିୟମିତ ସଂଚୟ କରନ୍ତୁ 

ଜରୁରୀକାଳୀନ ପାଣ୍ଠି ନିର୍ମାଣର ଚାବି ହେଉଛି ସ୍ଥିରତା | ବହୁ ପରିମାଣର ଅର୍ଥ ସଞ୍ଚୟ କରିବା ପାଇଁ ଆରମ୍ଭରେ ହୁଏତ ଆପଣ ନିରୁତ୍ସାହିତ ତଥା ଅସହାୟ ଅନୁଭବ  କରିପାରନ୍ତି | ସେଥିପାଇଁ ଛୋଟ ପରିମାଣରୁ ଆରମ୍ଭ କରିବା ଏବଂ ଧୀରେ ଧୀରେ ସଞ୍ଚୟର ପରିମାଣକୁ ବୃଦ୍ଧି କରିବା ସମ୍ପୂର୍ଣ୍ଣ ଭାବେ ସହଜସାଧ୍ୟ ଅଟେ | ଯଦିଓ ଆପଣ ପ୍ରାରମ୍ଭରେ କେବଳ ମାସରେ 50 ଟଙ୍କା କିମ୍ବା 100 ଟଙ୍କା ଦେଇପାରିବେ, ଗୁରୁତ୍ୱପୂର୍ଣ୍ଣ ବିଷୟ ହେଉଛି ଆରମ୍ଭ କରିବା ଏବଂ ଏହି ପାଣ୍ଠିର ପରିମାଣ ଜମା ହୋଇପାରିବା ପର୍ଯ୍ୟନ୍ତ ଅଟଳ ରହିବା ଓ ନିୟମିତ ସଂଚୟ କରି ଚାଲିବା |

ସଞ୍ଚୟ କିପରି ଆରମ୍ଭ କରିବେ:

a ) ଏକ ମାସିକ ଲକ୍ଷ୍ୟ ସ୍ଥିର କରନ୍ତୁ : ଯଦି ଆପଣ ଏକାଥରକେ ବହୁ ପରିମାଣର ସଞ୍ଚୟ କରିପାରିବେ ନାହିଁ, ତେବେ ଆପଣଙ୍କର ଲକ୍ଷ୍ୟକୁ କ୍ଷୁଦ୍ର ମାସିକ ସଞ୍ଚୟ ଲକ୍ଷ୍ୟରେ ଭାଙ୍ଗିବାକୁ ଚେଷ୍ଟା କରନ୍ତୁ |

b ) ଏକ ବଜେଟ୍ ବ୍ୟବହାର କରନ୍ତୁ : ତୁମର ସାମ୍ପ୍ରତିକ ବଜେଟରେ ସେହି ସ୍ଥାନଗୁଡିକୁ ଖୋଜ, ଯେଉଁଠାରେ ତୁମେ ତୁମର ଖର୍ଚ କାଟକରି ସେହି ଟଙ୍କାକୁ ଜରୁରୀକାଳୀନ ପାଣ୍ଠିକୁ ସଂଚୟ ପାଇଁ ବିନିଯୋଗ କରିପାରିବା | ଉଦାହରଣ ସ୍ୱରୂପ, ସବୁଦିନେ ଫାଷ୍ଟ ଫୂଡ଼ ଉପରେ ଖର୍ଚ, amazon କି flipkart ରୁ impulsive buying, ନେଟଫ୍ଲିକ୍ସର subscription ଇତ୍ୟାଦି |

c ) ୱିଣ୍ଡଫଲ୍ ଖୋଜ : ଯେକୌଣସି ଅପ୍ରତ୍ୟାଶିତ ଆୟ ବ୍ୟବହାର କର, ଯେପରିକି ଟ୍ୟାକ୍ସ ଫେରସ୍ତ, ବୋନସ୍, କିମ୍ବା ଉପହାର, salary increment ମୂଲ୍ୟ ଇତ୍ୟାଦିକୁ ନିଜର ପାଣ୍ଠିକୁ ବୃଦ୍ଧି କରିବାକୁ ବ୍ୟବହାର କରି ପାରିବେ |

STEP - 4: ଅନାବଶ୍ୟକ ଖର୍ଚ୍ଚକୁ ନିର୍ଦୟ ହୋଇ କାଟନ୍ତୁ 

ତୁମର ଜରୁରୀକାଳୀନ ପାଣ୍ଠି ପାଇଁ ଅଧିକ ଅର୍ଥ ଯୋଗାଡ କରିବାକୁ, ତୁମର ଦୈନନ୍ଦିନ ଖର୍ଚ୍ଚରେ କିଛି ବଳିଦାନ ଦେବାକୁ ପଡିବ | ଏହି ପଦକ୍ଷେପଟି ଅନୁଶାସନ ଆବଶ୍ୟକ କରିବ, କିନ୍ତୁ ଅନାବଶ୍ୟକ ଖର୍ଚ୍ଚ କାଟିବା ତୁମର ସଞ୍ଚୟ ଲକ୍ଷ୍ୟକୁ ଶୀଘ୍ର ପହଞ୍ଚିବାରେ ଏକ ବଡ଼ ପରିବର୍ତ୍ତନ ଆଣିବ |

ଖର୍ଚ କାଟ କେଉଁଥିରୁ କରିପାରିବେ :

a ) ସବସ୍କ୍ରିପସନ୍ ସେବା : ଅବ୍ୟବହୃତ କିମ୍ବା ଅନାବଶ୍ୟକ ସଦସ୍ୟତା ବାତିଲ୍ କରନ୍ତୁ, ଯେପରି ଷ୍ଟ୍ରିମିଂ ସେବା କିମ୍ବା ଜିମ୍ ସଦସ୍ୟତା |

b ) ଡାଇନିଂ ଆଉଟ୍ : ବାହାରେ ଖାଇବା ସୀମିତ ରଖନ୍ତୁ କିମ୍ବା ହୋମ ଡେଲିଭେରୀ ଅର୍ଡର  କରିବା ବନ୍ଦ କରନ୍ତୁ | ଘରେ ରୋଷେଇ କରିବା ଦ୍ୱାରା ଆପଣଙ୍କୁ ବହୁ ପରିମାଣର ଅର୍ଥ ସଞ୍ଚୟ କରାଯାଇପାରେ ଏବଂ ସ୍ୱାସ୍ଥ୍ୟ ପ୍ରଦ ଖାଦ୍ୟ କମ ଖର୍ଚରେ ଘରେ ବନେଇ ପାରିବ| | ଆବଶ୍ୟକ ଅଛି କେବଳ ବିବେକର, ସଚେତନତାର ଏବଂ ଦୃଢ ଅନୁଶାସନର | 

c )ଅଣ-ଅତ୍ୟାବଶ୍ୟକ କ୍ରୟ : ନୂତନ ପୋଷାକ, ଗ୍ୟାଜେଟ୍, କିମ୍ବା ବିଳାସପୂର୍ଣ୍ଣ ଜିନିଷ ପରି ଅଣ-ଅତ୍ୟାବଶ୍ୟକ କ୍ରୟକୁ ବନ୍ଦ କର | କୌଣସି ଜିନିଷ କିଣିବା ପାଇଁ ନିଷ୍ପତି ନେବାକୁ ନିଜକୁ ୨୪ ଘଣ୍ଟା କିମ୍ବା ଅଧିକ ସମୟ ଦିଅନ୍ତୁ , ଯଦି ଏହା ଗୁରୁତ୍ୱପୂର୍ଣ ହୋଇଥାଏ ତେବେ ନିଶ୍ଚିନ୍ତ ଭାବେ ଆପଣ ଏହାର ଆବଶ୍ୟକତା ଅନୁଭବ କରିବେ | ଆବେଗରେ କିମ୍ବା ଚାପରେ ଆସି ଟଙ୍କା ଖର୍ଚ୍ଚ କରନ୍ତୁ ନାହିଁ | ଏହାର ଫଳ ଜମାରୁ ଭଲ ହୋଇ ନ ଥାଏ |

ଡ଼) ସ୍ମାର୍ଟ shopping  : ବିଭିନ୍ନ ସମୟରେ ହେଉଥିବା ରିହାତି ବିକ୍ରୟ , ଡ଼ିସକାଉଣ୍ଟ sale ଆଦିର ଲାଭ ଉଠାନ୍ତୁ | online ଶୋପପିଙ୍ଗ coupon ବ୍ୟବହାର କରନ୍ତୁ , ଦୋକାନୀ କୁ ପଇସା ଦେଲା ବେଳେ ନିଶ୍ଚିତ ମୂଲଚାଲ କରନ୍ତୁ | ମୋର ବ୍ୟକ୍ତିଗତ ଅନୁଭବରୁ କହୁଛି, ଥରେ ଦୋକାନୀ ମାନଙ୍କ ସହ bill  ପେମେଂଟ ବେଳେ ମୂଲଚାଲ କରି ଦେଖନ୍ତୁ, ୬୦% ନିଶ୍ଚିତ ଭାବରେ ଡ଼ିସକାଉଣ୍ଟ ଦେବେ | 

STEP - 5: ଆପଣଙ୍କର ସଞ୍ଚୟକୁ ସ୍ୱୟଂଚାଳିତ କରନ୍ତୁ

ଆପଣଙ୍କର ସଞ୍ଚୟ ପ୍ରକ୍ରିୟା ସ୍ଥିର ରହିବାର ସବୁଠାରୁ ସହଜ ଉପାୟ ହେଉଛି ପ୍ରକ୍ରିୟାକୁ ସ୍ୱୟଂଚାଳିତ କରିବା | ସ୍ୱୟଂଚାଳିତ ସ୍ଥାନାନ୍ତର (automatic  ଟ୍ରାନ୍ସଫର) ସେଟ୍ ଅପ୍ କରି, ଜରୁରୀକାଳୀନ ପାଣ୍ଠିକୁ ଟଙ୍କା ଯିବା ସୁଗମ କରିଥାନ୍ତି ଯାହା ସେହି ଟଙ୍କାକୁ ଅଯଥା ଖର୍ଚ୍ଚ କରିବାର ପ୍ରଲୋଭନକୁ ଦୂର କରେ | ଏହାକୁ ଏକ ଅଣ-ବୁଝାମଣାକାରୀ ବିଲ୍ (non -negotiable bill) ପରି ବ୍ୟବହାର କର ଯାହାକୁ ଆପଣଙ୍କ ପ୍ରତ୍ୟକ୍ଷ ହସ୍ତକ୍ଷେପ ବିନା ପ୍ରତିମାସରେ ପୈଠ କରାଯିବ  |

ଆପଣଙ୍କର ସଞ୍ଚୟକୁ କିପରି ସ୍ୱୟଂଚାଳିତ କରିବେ:

a) ସ୍ୱୟଂଚାଳିତ ସ୍ଥାନାନ୍ତର ସେଟ୍ ଅପ୍ : ଆପଣଙ୍କର ଚେକିଂ ଆକାଉଣ୍ଟରୁ ଆପଣଙ୍କର ଜରୁରୀକାଳୀନ ପାଣ୍ଠିକୁ ସ୍ଥାନାନ୍ତର ସେଟ୍ ଅପ୍ କରନ୍ତୁ | ଏହାର ସମୟ ଠିକ ବେତନ ପାଇବା ପରର ହେଲେ ଏହା ପ୍ରତି ମାସରେ ଶଲରୀ ଖାତା ରୁ ସଂଚୟ ପାଣ୍ଠି ଖାତାକୁ ଚାଲିଯିବ | 

b) ରାଉଣ୍ଡ ଅପ୍ ଆପ୍ ବ୍ୟବହାର କରନ୍ତୁ : କିଛି ଆପ୍ ସ୍ୱୟଂଚାଳିତ ଭାବରେ ଆପଣଙ୍କର ଦୈନନ୍ଦିନ କିଣାବିକା ର ମୂଲ୍ୟ କୁ ନିକଟତମ ପୂର୍ଣ୍ଣ ଟଙ୍କାକୁ ଘେରିଥାଏ ଏବଂ ପାର୍ଥକ୍ୟକୁ ଆପଣଙ୍କର ସଞ୍ଚୟ ଆକାଉଣ୍ଟକୁ ସ୍ଥାନାନ୍ତର କରିଥାଏ |  | ଉଦାହରଣ ସ୍ୱରୂପ, ୪.୮୫ ଖର୍ଚ ହୋଇଥିଲେ, ଆପ ନିକଟତମ ସଂଖ୍ୟା ୫ ଟଙ୍କା ସହ ଏହି ଖର୍ଚରେ ତୁଳନା କରି ୧୫ ପଇସା ଆପଣଙ୍କ ମନ ପସନ୍ଦର account କୁ ପଠାଇବ, ଯାହା ସମୟକ୍ରମେ ଚକ୍ରବୃଦ୍ଧି ଘଟି ଆଖିଦୃଶିଆ ପରିମାଣରେ ପହଂଚିବା |

STEP - 6: ଏହାକୁ ଅସ୍ପୃଶ୍ୟ କରି ରଖନ୍ତୁ - ଯଦି ଏହା ଏକ ଜରୁରୀକାଳୀନ ପରିସ୍ଥିତି ନୁହେଁ |

ଥରେ ତୁମର ଜରୁରୀକାଳୀନ ପାଣ୍ଠି ବଢିବାକୁ ଲାଗିଲେ, ସବୁଠାରୁ ଗୁରୁତ୍ୱପୂର୍ଣ୍ଣ ନିୟମ ହେଉଛି ଏହାକୁ ନ ଛୁଇଁବା | ଏହି ପାଣ୍ଠି କେବଳ ପ୍ରକୃତ ଜରୁରୀକାଳୀନ ପରିସ୍ଥିତି ପାଇଁ, ଏହାକୁ ଅନ୍ୟ କୌଣସି କାର୍ଯ୍ୟ ପାଇଁ ବ୍ୟବହାର କରିବା ନାହିଁ |